Гадзіна зносін "Усё пачынаецца з сям'і" з праваслаўным святаром
12 мая, напярэдадні Міжнароднага дня сям'і Навасёлкаўскую СШ Ашмянскага раёна наведалі клірык храма Уваскрэшання Хрыстова г.Ашмяны Сергій Мігель і С.В.Лемешава, прадстаўнік сястрыцтва святой Вялікапакутніцы Варвары пры ашмянскім храме .
Госці прынялі ўдзел у мерапрыемстве "Усё пачынаецца з сям'і". Размова ішла аб пытаннях, якімі хоць раз у жыцці задаваўся кожны чалавек: хто ў сям'і галоўны? У чым сямейны дабрабыт? Якія бываюць сямейныя традыцыі? Хто нясе адказнасць за выхаванне дзяцей? Як стварыць шчаслівую сям'ю?
У другой частцы мерапрыемства зносіны для навучэнцаў 7-11 класаў працягнуліся ў больш цесным коле: дзяўчынкі гутарылі з урачом С.В.Лемешевай, а хлопчыкі са святаром. Дзеці актыўна задавалі ўсе пытанні, якія іх цікавілі, а дарослыя імкнуліся данесці важную інфармацыю аб здароўі душэўным і цялесным, цноце, палавой недатыкальнасці і многім іншым.
Спадзяемся, гэтая сустрэча будзе карысная і дапаможа падлеткам у будучыні пазбегнуць непапраўных жыццёвых памылак.
