Летнік "Краіна Дзяцінства". Дзень 18
Вось і прыбылі выхаванцы летніка "Краіна Дзяцінства" на "Вакзал", дзе прыйшлося ўсім развітацца да наступнага лета. На інфармхвілінцы "Краіна Дзяцінства без бед" яшчэ раз успомнілі пра бяспечныя правілы паводзін пад час летніх канікулаў на вадаёмах, у лесе, у сітуацыі "адзін дома", пад час навальніцы і г.д. Усе намалявалі малюнкі "Што больш за ўсё запомнілася ў летніку". Выхаванцы аставілі ліст пажаданняў на наступную змену ў летніку. Чакаў дзяцей сюрпрыз ад педагогаў летніка - аэрамядзведзь Мішка, які танцаваў з дзецьмі летнія хіты. На ўрачыстым закрыцці змены, якое пачалося з падняцця Дзяржаўнага сцяга і выканання гімна Рэспублікі Беларусь, былі ўзнагароджаны ўсе выхаванцы летніка. Педагогаў таксама чакаў сюрпрыз - дзеці падрыхтавалі розныя нумары: песні,танцы, вершы і нават каламбуры. Да новых сустрэч!
